Sonntagsmorgen in Ettlingen
Eine Idylle
Sonndags morge um sibbe
Sonndags morge um sibbe isch Zeit, sich die Weckle beim Maische Beck zu hole. Fir Auswärdige: De Maisch Beck isch a Bäckerei, ganz in die Kernschdadd, so welche hemmer nur drei in Eddlinge. Wenn mer do schdeht, so in Zeide von dem Virus, do fellds oim ins Aug: Des isch ogendlich kei Bäckerei. Nadierlich sinn henner de Trese nedde Verkeiferinne und en Verkeifer, do gibds zig Brode, Erdbeedörtle, und 10 Minibredle, jede so groß wie ei Gosch, im Angebot.
Abber do schdehe um sibbene am Morge die Leid ned nur rom un warde. Do wird mid der Verkeiferinne rumgschäkerd, also wenn mer was verschdehe dud von dem, was hinnerm Maulkorb rauskommd. Do were die Hund gegeseidig bewunnerd, die Rasse un Oigeschafde diskudiert, mer freid sich zusamme dass des Wedder heid so schee isch odder dass es prima isch, dass es endlich widder reggard. Ma schaud noch in die Vidrine von dene annere G’schäfde, gibt sein Senf zu dere aktuelle Mode odder dem Friser gegeibber, ma had vielleicht a E-Bike un de anner will wisse, wie des funktionierd. Ma red ibber des, was mer middem Dag du kennd oder ob mer sich ersatzweis uff der Tatort am Abbend freid. Manche Leid kenne sich näher und drinke gleich noch an dere Bar en friher Kaffee z’samme. Des isch Leben, so wies immer sei sold.
Autor:Hans Poignee aus Ettlingen |
Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.