Auch die Mundart reagiert auf Corona

Zeit der Entspannung - eine Glosse zur CoronaZeit

Zeit der Entspannung

I weiß net, ob se sich noch erinnere dun, des war I glaub im März oder April 2020. Do hen so a paar Leit geglaubd, dass se sich des Auto voll mid Klobabier, Nudle, Erbse in Dose und Vollkornmehl schdopfe misse. Dahoim hen se nadierlich g’merkd, dass davier gar koi Platz in de Kich isch und au net in de Schpeisekammer. Also hen Se ihr Audo uff de Schdroos parkd und die Garasch mid dem Glomb vollg’dopfd. Nachts nadierlich, weil des war hald peinlich war. Jedenfalls damals hed’s agfange mid der Entspannung. Was des heißt? Hajo, die Leid hen alles nemme so ernsch gnomme, jeder had hald g’macht, was’m grad do in de Sinne komme isch.
Des erschde Mol hen I des bei dem Nachbar an de Egg g’merkt. Es war grad sonnig warm un er had die hinnere Klapp von seim Audo uff kedd. Do isch er also g’sesse in seine kurze Hose un had ganz endspannd sei Fußnäggel schnidde. Also midde uff de Schdros, verschdehe se? Dann henn manche Eldern mid ihre Kinner uff de leere Schros agfange Tennis zu spiele, die erschde Rollerskates had mer au gsehe.
I hen erscht a bissle uglaibig guggd, abber dann hen I denkt, das des hald zu derre Zeit basst. Alles isch endspannd. Also s’war oifach nix los. Die Schdrose sinn so leer gwese wie damals bei de audofreie Sonndäg in de Sibziger Jahr.
Also im Friehling 2020 sinn so viele Pärle am Horbach rumglaufe, so richtig Hand in Hand, die Mountain-Biker, die sonscht immer rase, sinn dene heflich ausgewiche. Die Leid hen „Gute Dag“ zu oinander g’sagt oder soggar noch mehr. Die Eldern hen mid ihre Kinner im Garde g’schbielt schdadd uffm Hendy rumgedaddeld. Die Bolizischde sinn vor lauder Langweil im Wald schbadziere g’fahre un hen nach Jugendliche g’sucht, die im Wald verschdecke spiele.
Kai wunner. Kai Kaffee war uff, die Shopping Mails ohne B‘sucher, in die Discounder had mer nur noch ganz langsam neilaafe dirfe. Mer hed so viel Zeit an de Kass verbracht, weil mer mid der Kard had zahle solle, dass mer immer Zeit fir a Schwedzle mit de Kassiererin kappd hed.
Ach so, also au die KInnergärde, die Schule un Universidäden ware zu, die Autofirme hen ned noch mehr Audos herg’schelld, es gab koi Disko, kei Baize, I weiß eigentlch gar nimmer, was oigentlich noch offe kedd hed. Vor de Krankeheiser hen sie Zelte uffgebaut un hen koffd, dass sich a paar Leid zum Campe eifinde. Abber die meischde hen nur a bissle Speichel abgebbe wolle un sinn anschließend dahoim ins Bett, henns Fenschder weid uffg’risse fir die frische Luft und a Wärmfläschle mid ins Bett g’nomme, bis es vorbai war.
Morgens, wenn die Leid ned zu ihrer Arbeit hen gen misse, sinn se ganz lang im Bedd ligge gebliebe. Wahrscheinlich hen se au noch meditiert, damit die Zeit vorbei geht, also so Zeigs, was se frieher nie hen mache wolle. Ganz dicke Biecher sin widder verkaufd worre, weil sich die Leid nach de x-te Wiederholung von denne Krimis d’rauf besonne hen, dass sie jo noch lese kenne.
Wie die Gaschtheiser zu ware, had mer mol widder Zeit kedd, in dene Kochbiecher, die mer zwar gekauft abber nie g’lese had, mol a neies Rezept auszuprobiere.
Manche Leid hen „Home Office“ g’macht, d.h. sie hen dahoim vorm Computer ihre Arbeit g’macht schdadd im Gschäft. Zwischedurch hen se dann mid ihre Kinner schbiele kenne odder die Eheleid hen mehr als 3 Sätz mitanander schbroche wie normal. Bei schlechdem Wedder isch mer mit seiner Liebschde a bissle ins Bedd g’schlupft un had die Kinner hald fernsehe gugge lasse. Die Kirche war au zu und deshalb had de Prof. Lesch und die Maus die Weld erklärt. Wems ganz drög gworre isch, had sich die Nachrichde vom Robert-Koch-Inschdidud aguggd. Des war dann Geschbrächsschdoff fir de nächschde Dag. Priggeldnde Nachrichde had die BNN gleich uff die erschde Seid gebrocht: Die Wiedereröffnung vom Wertschdoffhof solld im April schdadfinde.
So heds oigendlich weider gehe kenne. Wenns so weider gange wär, mer hed sichs ausmale kenne: Die Angela Merkel had uffkehrt, ihre Raute zu mache un had alle Leid nur noch mit gefaldede Hend und „Namaste“ begriest. Des had nix gnitzt. Markus Söder isch Kanzler gworre un had des Pardeiprogramm von de CSU von 1949 wieder aktiviert. Deshalb sinn alle Maschinegwere von Heckler un Koch eigeschdampft worre- die hen ja sowieso net recht funktioniert. Dafier sinn alle Hinterlader-Gewehre von de Schützevereine uffgekauft worre und damit isch die Bundeswehr frisch ausgerischdet worre. Die Schitzeveroine henn dafir Pfeil un Bogge bekomme. Des hen se au gebraucht, weil die Nachfrag aus de Bevelkerung war oifach zu groß.
Die Griene hen die Wahle verlore un de Vorschdand isch enttäuscht nach Mecklenburg gezoge, um Biene zu zichde. Ab un zu had mer noch was von Ihne kehrt, bei so Nadurdokus had die Robert Habich un sei Annalena noch was ibber die Schönheit des deutschen Ostens sage dirfe.
De Bernd Höcke war so fruschdriert von dem Abschneide von de AfD, dass er sich als Märchenonkel beim MDR beworbe had, abber sei Schdimm war hald vom viele Schreie viel zu rauh gworre fir „Die sieben Geislein“. De Gauland had sei Krawatte verschdeigerd und ich von dem Erlös in a Senioreheim in Thailand gezoge. Alice Weidel wurde erfolgreiches Model für die reifere Generation beim Otto-Versand. Ganz abgeschlagen wurde dagegen die SPD. Olaf Scholz kehrt enttäuscht nach Hamburg zurück, isch abber dann recht zufrieden gworre, als man ihm en Posten auf dem Fischmarkt als Marktschreier abode had. Die FDP hat sich uffg‘löst und Christian Lindner isch bei der Allianz en erfolgreicher Makler für Hausratsversicherungen gworre. Soviel von der Bolitik.
Des Fernsehe isch au annersch gworre. Fir die Fraue gabs au vormiddags jeden Tag en Rosamund Pilcher Film. Fir die Krimi-Freinde gabs au a Gudsel: Jede Woche a Wiederholung von „Adelheid un ihre Mörder“. Sonsch wolld koiner mehr Krimis sehen. Viel zu uffregend.
Die Tagestheme sinn nur noch wechendlich ausgeschrahlt worre un henn „Wochetheme“ ghoise. Die Moderadore hen ihre Texte widder vom Bladd abglese un sinn uff gemiedliche Polschderschdiel gsesse. Max Raabe un Reinhard Mey hen die Hits des Jahres 2020 geschriebe: „Immer wieder Sonntag“ un „Ich küsse ihre Hand, Madam“ ware in aller Munde. Des amerikanische Compudermusikzeigs wolld koiner mehr here.
Au indernational had sich was verändert. Dem Trump hen se sei Mikrophon leiser gschelld, weil er immer so rumgschiee had. Putin isch abgewählt worre un isch mit seim Pferd und dene Domkosakken – Gruppe beim Circus Krone erfolgreich uffgedredde. Ihm gings gud. Der had richdig geschdrahld.
Die Trendsportarde hen sich verändert: Die Highlight im Jahr 2020 ware Tip-Kick fir die Kinner, Sackhipfe fir die Teenager, Tandemradfahre fir die Erwachsene(ohne Elekdro) un Boule fir die Seniore. De Marktblatz in Ettlinge isch mid Sand uffgfill worre. Dann hen die Schbordliche Volleyball gschbield mit emme Weichball. Danebe hen die Kleinkinner Sandburge gebaud. Fir die Kleine gabs a Karussell. Aber des hen se bald widder abschaffd, weil dene isch schwindlig gworre von der Gschwindigkeit.
Also so heds sei kenne, abber die Grippewell war leider nach acht Woche vorbei. Abber oigendlich wars a ganz endschbannde Zeit, damals, wie Urlaub, nur had mer des damals net so g’nannt, sondern Corona-Zeit.